Արտադրություն

 «Արտաշատ-Վինկոն» ՓԲԸ-ն իրականացնում է առաջնային և երկրորդային գինեգործական ձեռնարկություններին բնորոշ բոլոր տեխնոլոգիական պրոցեսները:
«Արտաշատ-Վինկոն» ՓԲԸ-ն հագեցած է բարձրորակ հայկական կոնյակ արտադրելու բոլոր տեխնոլոգիական բաժանմունքներով և սարքավորումներով:

Կոնյակի հիմքը խաղողն է: 
Խաղողահավաքը սկսվում է սեպտեմբերին, ավարտվում` հոկտեմբերին:
«Արտաշատ-Վինկոն»-ն ունի իր հումքային բազան հանրապետության տարբեր խաղողագործական ռեգիոններում: Միաժամանակ մեծածավալ խաղողի մթերում է կատարում մասնավոր այգեգործական տնտեսություններից:
Ամբողջ հումքը պարտադիր անցնում է որակի նախնական զննում լաբորատորիայի կողմից, հետազոտվում է Եվրասիական Տնտեսական Միության (ԵԱՏՄ) և պարենային անվտանգության կանոնակարգերի պահանջներին համապատասխան:

Թորումը կատարվում է երկու փուլով՝ ֆրանսիական մեթոդով և արտադրվում է տեխնոլոգիական ցուցումների համար Եվրասիական Տնտեսական Միության (ԵԱՏՄ) ստանդարտի պահանջներին համապատասխան (տեխնիկական պայմաններ - ԳՕՍՏ 31728-2014):
Երկրորդ թորման արդյունքում ստացված սպիրտային հեղուկը բաժանվում է երեք մասի, որոնք պայմանական անվանվում են «գլուխ», «սիրտ» և «պոչ»:
Արտադրության հետագա փուլերում օգտագործվում է միայն միջին մասնաբաժինը՝ «սիրտը», որը ֆրանսերենից թարգմանաբար նշանակում է «կյանքի ջուր» (eau-de-vie): 
Այնտեղից երիտասարդ սպիրտները ներկայացվում են գործարանի համտեսի հանձնաժողովի: 

Հնեցումը կոնյակների ստեղծման ամենաերկարատև փուլն է, որը պահանջում է ոչ միայն գիտելիք և վարպետություն, այլև  խոնարհ համբերություն: Հենց ժամանակի ընթացքում հնեցվելով կաղնե տակառներում՝ կոնյակի սպիրտը բացահայտում է խաղողի վազի ամբողջ հարստությունը և ստեղծում է օրգանալեպտիկ բազմազանություն:

Շատ կարևոր է տակառի դերը, որը համարվում է կոնյակի «ծնողը»: «Արտաշատ-Վինկոն»-ում կոնյակի սպիրտները հնեցվում են 7000 և ավելի կաղնու տակառներ ունեցող ժամանակակից մառաններում և 300-ից ավելի արծնապատված, կաղնու տակառատախտակներով ներառված պահամաններում:

Կոնյակի սպիրտների մանրակրկիտ ընտրությունը և նրանց նրբագեղ համադրությունը կոնյակի ստեղծման գործընթացներից ամենաստեղծագործականն է:

«Արտաշատ-Վինկոն»-ի կոնյակները ստեղծվում են մեր վարպետների կողմից, որոնց փորձը տասնամյակներ շարունակ հղկել է իրենց գիտելիքները և ծանոթացրել մասնագիտական բոլոր նրբություններին:

Հետկուպաժային հանգիստը ` մի քանի ամսից մինչև մի քանի տարի, կոնյակը անցնում է՝ մնալով կաղնուց պատրաստված 1000-1500 դալ տարողությամբ  բուտերում կամ արծնապատված մետաղական պահամաններում:

Շշալցումն իրականացվում է իտալական 3000 շիշ/ժամում արտադրելու ժամանակակից հոսքային գծով: